Әти кызы (Ринат Нуруллин)

Ринат Нуруллин

ӘТИ КЫЗЫ

(Шигъри табышмак)

Апам түгел ул миңа,

Сеңлем түгел ул миңа -

Унике яшь тулды бүген

Әтиемнең кызына.

Алмадылар инә дә,

Алмадылар дөя дә:

Туган көнгә иң шәп бүләк

Ул - энциклопедия.

Сезне сыныйсым килә,

Сездән сорыйсым килә:

Кем шул китапка шатлана,

Кем бу бүләккә ия?!

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.