Шөгыль (Ринат Нуруллин)

Викикитап, ачык эчтәлекле китаплар җыентыгыннан
Навигациягә күчү Эзләүгә күчү

Ринат Нуруллин

ШӨГЫЛЬ[үзгәртү]

(Шигъри табышмак)


Бездә хәлләр җәйдәгечә,

Сездә ничектер хәлләр?

Ишеткәннәремне сөйлим -

Телем очында Хәйдәр.


Әлсерәп печән чапмый ул,

Болында җыймый җиләк,

Авыр капчыклар ташымый,

Тегермәндә он иләп.


Камыр әвәләми Хәйдәр,

Пәрәмәч тә пешерми,

Ләкин тирәдәгеләргә:

- Җитди минем эшем, - ди.


Челтәр ятьмә тотып, Хәйдәр

Күбәләк кумый кырда,

Әмма вакыты һич калмый

Әкиятләр укырга.


Әлбәттә, сәгатьләрне ул

Әрәм итми зерәгә:

Әй көч түгә, әй тырыша -

Ярышка әзерләнә.


Хәрәкәттә - бәрәкәт, дип,

Һәрчак ул хәрәкәттә,

Күнеккәндә тәнәфес тә

Ясап тормый ул хәтта...


Әйтә алмассыңмы икән,

Җәй көннәрендә Хәйдәр

Нәрсә белән шөгыльләнә

Иртәдән кичкә кадәр?


Әгәр биргән соравыма

Җавап таба алмасаң,

Шигырьдәге булган барлык

«Ә» хәрефләрен сана.


Татар балалар уеннары.jpg

Кулланылган әдәбият[үзгәртү]

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.