Чәүкә кунган түбәгә (Ринат Нуруллин)
Ринат Нуруллин
ЧӘҮКӘ КУНГАН ТҮБӘГӘ
[үзгәртү](Шигъри башваткыч)
Чәүкә кунган түбәгә,
Калаена чүгәләп.
Утырмас иде чүгәләп -
Дөньялары түгәрәк.
Чәүкә кунган түбәгә,
Күз төшергән түбәнгә.
Асфальтка язып куелган:
«ЧӘҮКӘ + КУНГАН = ТҮБӘГӘ».
Текә безнең чәүкә дә -
Шалтыраткан Мәскәүгә
Кәрәзле телефоныннан
Икенче бер чәүкәгә.
- Менә шундый язмада
Кирәк, - ди, - цифрларга
Хәрефләрне мач китереп,
Тигезлекне расларга...
Тегесе бу чәүкәгә
Җибәргән рәсми кәгазь.
Ул кәгазьнең эчтәлеген
Әйтә алмыйм, күрмәгәч.
Чәүкәдән белешегез,
Йә үзегез чишегез -
Әйтегез, нинди саннарга
«ТҮБӘГӘ» сүзе тигез?
Кулланылган әдәбият
[үзгәртү]1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.