Суперребус (Ринат Нуруллин)

Ринат Нуруллин

СУПЕРРЕБУС

(Шигъри башваткыч)

Якуб бирде бер ребус,

Чишә алмый йөрибез.

Дәфтәрдән куш бит йолкып,

Карандаш белән Якуб

Язды: Я³ = КУБ.

- Монда һәр хәреф саен

Куегыз, - ди, - үз санын...

Ташладык футбол тубын,

Саныйбыз саннар кубын.

Ә нишли соң Якубың?!

Ә Якуб җиргә ятып

Хихылдый эче катып.

...Өметләр синдә, дустым! -

Бездә дә бәйрәм булсын,

Чиш Якубның ребусын.

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.