Озынборын оныклары (Ринат Нуруллин)

Ринат Нуруллин

ОЗЫНБОРЫН ОНЫКЛАРЫ

(Шигъри башваткыч)

- Кая болай, Озынборын,

Ашыгасың кичкырын?

Әллә инде эшсезлектән

Таба алмыйсың урын?

Бәллүр Канат бирде җавап,

Борын очын боргалап:

- Оныкларымны сыйларга

Алып кайтамын салат.

Туксаннан ук артмаса да,

Җитмештән артык алар -

Балаларым саны хәтле

Һәр баламда бар бала!

...Шулай дигәч, Бәллүр Канат

Ашыгып очты кабат...

Аның ничә оныгы бар,

Әйтеп бир әле санап?!

Кулланылган әдәбият

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.