Ни кирәк тагы? (Тукай)

Викикитап, ачык эчтәлекле китаплар җыентыгыннан
Навигациягә күчү Эзләүгә күчү
Ни кирәк тагы?
АВТОР Габдулла Тукай

Ни кирәк тагы?


(Экспромт)

Алкаларың якты брилиант ич,—
   Җанкисәгем, ни кирәк тагы?
Һәрнәрсәдән миңа син кыйбат ич! —
   Җанкисәгем, ни кирәк тагы?
Син теләк ич миңа, син салат ич,—
   Җанкисәгем, ни кирәк тагы?
Син хәят ич миңа, син мәмат ич,—
   Җаным, бәгърем, ни кирәк тагы?

Салат — мактау.
Хәят — тереклек.
Мәмат — үлем.


?