Ни бәядә? (Ринат Нуруллин)
Ринат Нуруллин
НИ БӘЯДӘ?
[үзгәртү](Шигъри башваткыч)
Хәниф килгән кибеткә,
Мөниф килгән кибеткә.
Компьютер өчен алмакчы
Алар CD-тәлинкә.
Хәнифнең - йөз сум җитми,
Мөнифнең - бер сум җитми,
«Капитал»ларын кушу да
Мәсьәләне хәл итми.
Башваткычның хәйләсен
Килә иде беләсем.
Кайсыгыз әйтә алыр соң
Тәлинкәнең бәясен?
Кулланылган әдәбият
[үзгәртү]1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.