Май килде

Валит Ильясов
Сез бу авторның фотосүрәтен йөкләп проектка ярдәм итә аласыз
Тулы исеме	Ильясов Валит Искәндәр улы
Һөнәре	язучы, шагыйрь

Әкрен генә майда килеп җитте,

Киткән кошлар кире кайттылар.

Ак каеннар,урман көязләре,

Алкаларын кире тактылар.

Шәһәр урамнарын күпкә, күркләп,

Урамнарга кызлар тулганнар.

Исем китә, мондый матур кызлар!

Әлгә кадәр кайда булганнар.?

Гөлләр әле чәчәк атмаганнар,

Чәчәк атып, өрек котора.

Өрек чәчәгенең хушбуй исе,

Күкрәгемне кереп тутыра.

Тик кызларга карым ирексездән,

Артык гүзәл нәрсә табалмым.

Шәһәр тулы чиксез матур кызлар,

Шул кызлардан күзем алалмым.