Ит базарында тәрәкъкыи (Тукай)

Викикитап, ачык эчтәлекле китаплар җыентыгыннан
Ит базарында тәрәкъкыи
АВТОР Габдулла Тукай

Ит базарында тәрәкъкыи


Җиһанда «сез» сүзе бар «без»гә каршы,
Шикәр, бал бар керән һәм тозга каршы.

Мокабил барча әшья бер-беренә:
«Бәянел хак» чыга «йолдыз»га каршы.

Әгәр тезсәм, тезәргә күп мисаллар:
Карангы төн туа көндезгә каршы.

Вә «Ялт-йолт» та һәр унбиш көн саен бер
Чыга тәмсез «Чүкеч» һәм «Без»гә каршы.

Мөселман казлыгы чыккан базарга —
Шәригатьтә хәрам дуңгызга каршы.


?