Бүрәнкә бәясе (Ринат Нуруллин)

Викикитап, ачык эчтәлекле китаплар җыентыгыннан
Моңа күчү: навигация, эзләү

Ринат Нуруллин

БҮРӘНКӘ БӘЯСЕ[үзгәртү]

(Шигъри башваткыч)


Бүре бөгә бүрәнкә,

Берсе тора дүрт тәңкә.

Бишәр бүрәнкә ясаткан

Бүрегә ике тәкә.


Һәр тәкәгә бүләккә

Бүре биргән бүрәнкә,

Бүтән бүрәнкәләр өчен

Хезмәт хакын түләткән.


Утыр әле түмгәккә,

Бер генә әйт, биш әйтмә:

Бүрегә ничә сум акча

Биргән икән һәр тәкә?..


SheepsAtMyvatn.jpg

Кулланылган әдәбият[үзгәртү]

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.