Бер олау сорау (Ринат Нуруллин)

Викикитап, ачык эчтәлекле китаплар җыентыгыннан
Моңа күчү: навигация, эзләү

Ринат Нуруллин

БЕР ОЛАУ СОРАУ[үзгәртү]

(Шигъри башваткыч)


Син текә дә, мин текә -

Атка печән кем кертә,

Кем малларны ашата

Без текә булган чакта?!


Әйдә яшәмик әле,

Текәлеккә текәлеп!

Кемдер эшләргә тиеш

Маңгай тирләгән килеш!


Хайван тормый бензин ашап -

Ашый печән, күши башак.

Кайрак тап, болынга чап,

Чалгы кайрап печән чап!

Grey horse 1567.jpg

☆ ☆ ☆


...Хисабетдин абзый иртән

Алып кайтты бер йөк печән.

Yзе атын тугара,

Yзе болай уйлана:


«Шушы печән акбүземә

Җитәр иде берүзенә

Атна буе ашарга,

Ач йөрмәс ич бичара.


Танабыз да hава белән

Туенырга өйрәнмәгән,

Бер йөк печән танага

Җитә ике атнага.


Сарыгыма атап тотсам,

Yзе генә ашап торса,

Бу печән дүрт атнадан

Бетәр иде, фаразан.


Ашасалар барсы бергә,

Малларыма ничә көнгә

Олаудагы бар печән

Күшәргә җитәр икән?»


Җавап эзләп, такыр башын

Хисабетдин абзый кашый.

Әйдә, күрсәт текәлек -

Абзыйга булыш әле!


Animated cow.gif

Кулланылган әдәбият[үзгәртү]

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.