Антым (Такташ)

Викикитап, ачык эчтәлекле китаплар җыентыгыннан
Моңа күчү: навигация, эзләү
Антым
АВТОР Һади Такташ
Һади Такташ

Тулы исеме Мөхәммәтһади Хәйрулла улы Такташев
Һөнәре шагыйрь, драматург


Антым


Кычкырам:
Килегез, әй, адашкан,
Канга баткан мәзлум ил халкым!
Түзә алмый канга, вәхшәткә
Мәхәббәт байрагын алдым. —
(Алып каннан сәгадәткә
Чыгарырмын эшчеләр халкын!)
Язып куегыз, кирамән
Кятибиннәр, бер бөек антым:
'Хакыйкать' мин басам; баскан
Эземдә тетриләр таулар!..
Өзелә бер генә кул селтәвемнән
Мәңгелек баулар...
Еланнар! Сезгә юк тормыш,
Куып юлдан, буып сезне,
Ачам юллар сәгадәткә!
Җуям җирдән фәхеш эзне...
Күрәмсез бу байракны: бар мәзлумнең
Яшен җыйган...
Ул байрак күз яшь белән
Каннын койган...

Кирамән кятибин — намуслы язучылар (дини мифология буенча,
    кешенең барлык яхшы, яман эшләрен язып торучы фәреш тәләр).
Хакыйкать — газета, басма сүз мәгънәсендә
    кулланылган дип уйланыла


?