Альпинист үрмәкүчләр (Ринат Нуруллин)

Викикитап, ачык эчтәлекле китаплар җыентыгыннан
Моңа күчү: навигация, эзләү

Ринат Нуруллин

АЛЬПИНИСТ ҮРМӘКҮЧЛӘР[үзгәртү]

(Шигъри башваткыч)


Эльбрусларга тиң тауларны

Яулаган үрмәкүчкә

Күп катлы биек йортларга

Менеп төшү ул пүчтәк!..


Сузып җебен, менде бүген

Җиденче катка кадәр

Үрмәкүчләрнең җитезе,

Әйтерсең лә каскадёр.


Ә артыннан үргә таба

Үрмәкүчнең малае

Үрмәләде, әй тырышты -

Тирләп чыкты маңгае.


Өченче катка җиткәч, ул

Туктады ял итәргә...

Шуннан нәрсәләр булганын

Сөйләрмен тик иртәгә.


Җиде үлчәп, бер кат кисеп,

Әйтеп бирмәссең микән:

Үрмәкүч малае җепнең

Күпме өлешен үткән?



Кулланылган әдәбият[үзгәртү]

1.Нуруллин Р.Г. Альпинист үрмәкүчләр: шигъри башваткычлар / Ринат Нуруллин. — Казан: Татар. кит. нәшр., 2008. — 88 б. – 5000 д. – ISBN 978-5-298-01656-8.