Авыл җырлары (Бишенче көлтә)

Викикитап, ачык эчтәлекле китаплар җыентыгыннан
Навигациягә күчү Эзләүгә күчү
Габдулла Тукай

Тулы исеме Габдулла Мөхәммәтгариф улы Тукаев
Һөнәре шагыйрь, тәнкыйтьче, публицист
Сайт Тукай сайты

Мәкәрҗәгә баралар тәтәйләрнең ирләре;

Шушы вакыт тәтәйләрнең җөреп калган көннәре.


Таптамагыз, и тәтәйләр, Бакыр бабай бакчасын;

«Уйнаш»тагы яман күздән ходай үзе сакласын.


Җаңа бистә кызлары чигү чигә акчага;

Бу вахытта шулар җөри Ботански бакчага.


Кушмый ишан капкасы, нарат икән тактасы;

Нарат булмый нәрсә булсын, бар да донос акчасы.


Безнең урам — таш урам, ташу ага басудан;

Сакалына хөрмәт беткәч, милләт сата ачудан.


Бәдәлчеләр-мәккәчеләр җөри Казан шаулатып;

Бер сөяккә унлап эт бар, чәйнәшәләр даулашып.


Ике туры ат җиктердем, берсен сыңгар тәртәгә;

Баш хәерче Моратлары чыкмый ята Мәккәдә.


Шауладык без — «шуу!» иттек, кузгалдык без — «дуу!» иттек;

Эшсезлектән, эч пошканнан эшсез картка туй иттек.


Камил мәхзүм җырлап җөри борнын түбәнгә салып;

Ала карга кунып сайрый тел очларына басып.