Таң (шигырь)

Валит Ильясов
Сез бу авторның фотосүрәтен йөкләп проектка ярдәм итә аласыз
Тулы исеме	Ильясов Валит Искәндәр улы
Һөнәре	язучы, шагыйрь

Елга өстенә томан күтәрелгән,

Әрем исе борын кытыклый.

Су анасы кызы ахры йоклый,

Мондый матурлыкка кызыкмый.

Бик азгына вахыт үтеп алыр,

Җил таратыр томан пәрдәсен.

Әлеге кояш ,безнең иске таныш,

Ул яктыртыр дөня сәхнәсен.

Тик әлегә томан тора бирә,

Сайры тургай ,оча күбәләк.

Табигатның иртә уянганын,

Көтеп ала hәрбер күзәнәк.