Раббыма (шигырь)

Валит Ильясов
Сез бу авторның фотосүрәтен йөкләп проектка ярдәм итә аласыз
Тулы исеме	Ильясов Валит Искәндәр улы
Һөнәре	язучы, шагыйрь

Я, Раббым сиңа җитмәде,

Укыган догаларым.

Шуңадыр, гадәттәгечә,

Алдынгы булалмадым.

Уздылар,таптап киткәндәй,

Бер бөҗәк яралгысын.

Я Ходам, нәрсә өчен мин

Дөньяга яралдым соң.

Юк сүзем каршы әйтергә,

Мин риза биргәнеңә.

Күңлемдә нәрсә булганын,

Син генә белгәнеңә.