Баскыч (Тукай)

Викикитап, ачык эчтәлекле китаплар җыентыгыннан
Габдулла Тукай

Тулы исеме Габдулла Мөхәммәтгариф улы Тукаев
Һөнәре шагыйрь, тәнкыйтьче, публицист
Сайт Тукай сайты

Сөялгән, өй түрендә бар иде гаять тә зур баскыч,

Кырыклап басмасы бар — бик авыр һәм дә озын баскыч.


Кирәклектә бәрабәр булсалар да басмалар бергә,

Югаргы басма тиңләшми түбәнге басмалар берлә.


Югаргы басма мәгърур: «Мин югары, сез түбәнсез, ди,

Ничек гали минем урным, түбәнгеләр, күрәмсез?» — ди.


Бер адәм килде дә шул чакта әйләндерде баскычны:

Түбәнге басмалар менде, югаргысы түбән төште.

Аңлатмалар[үзгәртү]

Гали — бөек.